Aurat ka darr

Honthon pe hasi lekr, aankhon me nami chupa kar,
Ghar se bahar kadam rakhe hai.
Chehre pe himmat dikha kar, mann me khauf chupa kar,
Sabse nazre milayi hai.
Zamane ke saamne sherni bankar, akele me bheegi billi bankar,
Ye zindagi kaati hai.
Us waqt ka intezaar kiya hai,
Bepanaah sabr rakha hai.
Un insaani chehre ke peeche chipe raakshaso se bachna chaha hai,
Us dard me jeeti hui ladkiyon ko bachana chaha hai.
Chilla chilla kar lagte hue naare sune hai,
Akhbaaro me chapte kisse padhe hai,
Par koi badlaav hote nahi dekha hai.
Har kadam ke saath uthte rongte mehsoos kiye hai,
Khud bhi kisi hawas ke pujari ki shikaar na ban jaau aise darawane sapne dikhe hai.
Chahe ab tak apne ghar me mehfoos rahi hu,
Chahe apno ke beech kayi dafa chupi hu,
Par yaha toh apno se bhi bachna hai,
Yaha apno ke nazro se bhi khatra hai.
Hindustan ki Beti nahi banna ,
Agar apne hi desh me haiwaan ho,
Agar apne hi mohalle me koi nazar rakhe ho,
Agar apne hi ghar me koi tumhe azmana chahta ho,
Agar akele me bhi raahat bhari saans nhi le paa rhe ho.
Jab tak saansein chal rhi ho ,
khauf toh haath thaame chalega.
Ek baar himmat krke chilla ke dekh,
Khauf toh kya koi haath nhi lagayega.
Ek baar apna bachav khud kr,
mat soch kya kaha jayega.
Apni izzat apne haath mai hai,
kisiko use cheen ke bhaagne mat de.
Banna hai toh hindustan ki jaanbaaz beti ban,
Dikha de sabko ki tu hai devi maa ka roop.
Jis din ye haath panja ban jayega,
Koi haath toh kya nazar tak nahi uthayega.

Leave a Reply

Your email address will not be published.