Batwara

Shashi aaj kuch jyda hi pareshan lag rahi thi,uske ghr ki aarthik haalat achi nhi thi…Shashi apne hi khayalo me dubi Hui thi ki itne me phone ki ghanti bajti hai ,usne phone uthaya to saamne se Shashi ki badi behan sumitra ki aawaz thi.
Paanch Bhai behno me Shashi sabse chhoti thi.Jab Tak inke pitaji iss dunia me the tab Tak sb acha chal RHA tha par unke Jane ke baad achanak teeno bhaiyo ko jamin ke batware ki yaad aane lagi ..sumitra ne aaj isi silsile me apni chhoti behan Shashi ko phone kra tha.. Shashi ko paiso ki jarurat to thi par Abbi Tak kisi bhi Bhai ne apni dono behno se pucha Tak nhi thi..
Shashi apni behan sumitra ko yhi bol rahi thi ki kaise unke teeno Bhai badal gye,sirf apna sochte hai..ek baar apni behno ko apne pass bhitake unka bhi halchal Jaanne ki koshish to karte ..Sumitra bhi apni chhoti behan ki baato se sehmat thi par wo Shashi ko yhi samjha rahi thi ki unki wajha se Bhai behno me koi darar na aa Jaye,man me koi khatas na aaye.par Shashi ki Ghar ki haalt aisi thi ki wo baar baar bol rahi thi ki Mai apna hissa leke rahungi ..
Kuch dino baad rakhi ka tyohar aaya . Dono behne sumitra aur Shashi apne pihar apne Bhai bhabhiyo se Milne ,unke sath rakhi ka tyohar manane pohchi..teeno bhaiyo ne ,bhabhiyo ne ache se dono behno ka sawagat kra rakhi bhandwai ,mithai khai..par Shashi ke man me to chinta or gussa ubaal kha RHA tha ..pura din ache se beet gya ,sham dhalte hi dono behno ne wapis apne Ghar Jane ki baat kahi itne me unke bhaiyo ne unhe apne pass bithaya aur jamin ke kagaj unke samne rakhe..ye dekhke dono behne hairan reh gyi ..tabhi unke sbse bade Bhai ne kha ki hum itne bhi bure aur swarthi nhi ki ek jamin ke tukde ke liye apni behno ka Dil dukhaye..Jamin ka ye tukda humare pitaji ki aakhiri nishani hai aur ispe humara sabka barabar ka adhikar hai.yhi iss baar ki rakhi ka humari behno ke liye tohfa hai.
Teeno bhai bhabhiyo ne kha ki batwara jamin ka hai ,humare pyaar humare dilo ka nhi .. Ye sab sunke dono behno ka dil bhar aaya aur unhone apne bhaiyo ko apne Gale se lagaya ..

Leave a Reply

Your email address will not be published.