kaise tulna karte hai hum

Har kisi ki alag kahani
Har kisi ki alag soch
Har kisi ne duniya ko dekha alag
Har kisi ki alag kharoch
Har kisi ki alag ladhai
Har kisi ke alag gam
Har kisi ki sehensheelta alag
Fir kaise tulna karte hain hum

Har kisi ke alag raaste
Har kisi ka kuch alag toota hai
Har kisi ne apna kuch khoya alag
Har kisi ka kuch alag choota hai
Har kisi ko lage alag dar
Har kisi ke saath hua alag sitam
Har kisi ne dekhe bure sapne alag
Fir kaise tulna karte hain hum

Ab tulna karne ke koi niyam nahin
Magar fir bhi log kare jaate hain
Kaun hai yeh log jo itna badh gaye
Ki aur logo ko uch neech dikhate hain
Paiso ko tol tol kar sab bik gaye
Bas bhaag rahe chahe khushiyan ho kam
Jab har koi kisi alag chees se khush hai
Fir kaise tulna kar sakhte hai hum

Is sab mein padhne ki zarurat nahin
Khud ko kabhi kam mat samajhna
Log toh kuch na kuch kehte raheinge
Tum apne sapno ke liye jo kuch hai karna
Khud ke nazro mein jeetna hai
Duniya ko jeene de leke apne bhram
Jab khud se khush rehna bhi zaruri hai
Fir kaise tulna kar sakhte hai hum

Leave a Reply

Your email address will not be published.