Kya yahi mohabbat hai?

Aaj kuch ajeeb sa mehsoos hua,
Koi dur hoke bhi pass hua.
Tasveer dekh ke ek muskaan ayi,
unki hasi me apni khushi paayi.
Dil me ek gudgudi si hui,
jaise koi aahat ho anchui.
Unse milne ki khwaish toh hai,
par filhaal doori hi sahi hai.
Ji bahari duniya se kadi tuti hai,
apno se rishta nahi,
haan! dil me baatien hai kuch ankahi,
jo ehaas hai yaha bhi aur unke paas bhi kahi,
kuch dino se intezaar hai vahi,
ab aur sabr karna hai nahi.
Ab ye khwaish nahi zidd ban gayi,
shayad kahi unse mulakat ho gyi?
Aakhir ab hum kare bhi toh kya,
unki ada, unki muskaan hume ghayal kar gyi,
andekhe kuch nishaan chod gyi,
iss duri ko ek majburi kr gyi.
Ab aap hi bataiye ki ye kaisa ehsaas hai,
lagta hai voh door hote hue bhi pass hai.
Ye dil me gudgudi hoti hai,
jo ek maasom si muskaan de jati hai,
kya ye itni haseen hoti hai??
Ye jo khuda se mili ijazat lagti hai,
kya yahi mohabbat hoti hai?

Leave a Reply

Your email address will not be published.