Mardo ki suno

Aaurat zaat ki izzat kro, aaurat zaat ka maan rakho,
mardo ka kya hai?
Ji aaj aurat mard me faasle kyu?
Izzat sirf ek ke liye badhkar kyu?
Gar mard me haiwaan hai,
toh aurat me bhi manthara hai.
Aag jitni mardo se lagti hai,
utni hi aurato se bhi lagti hai.
Gar nyaay aurat ko mil rha hai,
uske haqdaar mard bhi hai.
Hamesha aurat hi sahi ho ye sach toh nahi,
har jagah mard hi galat ho ye munasib toh nahi.
Gar voh kaushalya hai,
usme kaikayi bhi hai.
Gar voh raam hai,
usme raavan bhi hai.
Aurato ke saath zyaati hoti hai,
ilzaam mardo pe lagaya jaata hai.
Mardo ke saath zyaati hoti hai,
kusurvaar bhi mard ko hi thehraya jaata hai.
Ji iss desh me balaatkar sirf aurato ka nahi, mardo ka bhi hota hai.
Zarurat na hote hue bhi,
nyaay na milne ka khauf rehta hai.
Hum ye nahi kehte ki apni raai badlo,
hum ye keh rhe hai ki apni soch badlo.
Is desh ki aazadi me kayi mardo ka haath tha,
Lekin aurato ka bhi toh saath tha.
Gar ek maa apne se pehle apno ki fikr karti hai,
toh ek baap din raat mehnat karke apno ki khushiyon ki minnat krta hai.
Gar aurat us nanhi jaan ko janam de sakti hai,
toh mard usi maasum ko jeena sikha sakta hai.
Gar mard ghar ke kaam kr sakta hai,
toh aurat ghar ka kharcha chala sakti hai.
Ye bhed bhav karna kab band hoga pata nahi,
par jis din hoga rahegi koi khata nahi.
Waqt badlaav ka toh hamesha hi rahega,
Ye bhed bhav fir bhi sabme zinda rahega.
Gar chahte ho ki barabari kr paao,
toh is bhed bhaav ke nateeje samjh jao.
Waqt hamesha saath nahi dega,
tumhari ladai me tum hi ko maat dega.
Ab toh kuch lihaaz kr lo,
ek dusre ko waqt rehte sambhaal lo.

Leave a Reply

Your email address will not be published.