Jo Aaj Guzra Hun Main

By Shivam Yadav

Jo aaj guzra hun main tere wahi purane ghar se

Nazrein mil na jaaye meri kahin teri nazar se

Dekh jhuki meri palkein tujhe dekhne ke dar se

Tuta Bikhra tha jo dil tujhe awaaz de andar se

maana mile honge kayi mere jaise aashiq hazaar

Lutate honge tujhpe dil kehte honge karte pyaar

jo aaye milne toh saja dun main sawalon ka bazaar

kiya tune kyun barbaad tujhse puchun baar baar

dafna ke dil mera jo karra saalon se intezaar

shayad ussi ka hisaab aaj lene aaya hun

pata hai mujhko ki mujhe tu ab dekhna nhi chahti

fir bhi teri hi gali mein tujhse milne aaya hun

main milne aaya hun

aaj milne aaya hun

mera dil..

tujhe aawaz de andar se

tujhe pukarne ko hai

kaise nikla yeh kabar se

tujhse hi tha mera jahaan

tujhme hi tha mera sukoon

seene me pagalpan tera

aur sar pe tera hi junoon

kyun itni bheed me bhi main

ab akela khada hun

sochun main tere jaise ke liye

kabhi khudse bhi lada hun

par khudse ladh ke bhi main

tujhse ladh nhi paaya

darta tha main ki kahin dur

ho naa jaaye tera saaya

lagta tha jaise ki ek din sab kuch

theek ho jaayega

tu kyun hoga mujhse durr

jab nazdeek ho jaayega

saare dekhe maine raste

saare dhunde maine mod

jahan pehli dafa mili tu

jahan pe gyi chhod

par fir bhi man ko mere

koi tasalli na mili

jahan pe thama mera haath

ab woh galli na mili

jaata main firse ek baar

bolun tu baith mere paas

fir tu uske baad kabhi mujhe

akeli na mili

jo mil bhi jaati mujhe

toh main tujhse puch kya yeh paata

ki tera dil bhi kaise

bin meri dhadkan ke reh paata

tu kehti chhod de mujhe..

itna aasan hai kya

tere liye hoga

mere liye nahin

kaise main chhodun tujhe

aur tujhe jaane dun

teri yaadein jo jodi khudse

kaise bhulaane dun

kaise samjhaun dil ko

kitne naye bahaane dun

tune naa ki thodi bhi der mujhko bhulane me

main guzarne teri yaad me zamaane dun

pta nhi aaj yeh kaisi zid pe ada hun main

tujhse puchne wahi sawaal tere samne khada hun main

bataun tumhe ki kami nahi hai duniya mein humpe bhi marne walon ki

jitna tumhe karte hain usse bhi jyada mohabbat karne walon ki

jab apna dil tere peeche main haar pada tha

tera pyaar kitna tha pata nhi par tujhse aitbaar bada tha

aankhon me teri muskaan ka ek armaan sajaya tha

teri khushi me main shaamil tera har gham chhupaya tha

aaj jaane ki zid karti ho meri zindagi se, kaise main tumhe bhulaunga

tum toh chali jaaogi mujhe chhod ke, main tumhari yaad liye kahan jaaunga

fir bhi tumhe jaana hai toh jaa sakti ho, magar yeh yaad rakhna

mujhe bhulane ki jitni tum koshish karogi main utna hi yaad tumhe baar baar aaunga

By Shivam Yadav