Reunion

By Nehal Deshmukh

Har baar milte hai kahkar iss baar hum sach me mile

Itne salo baad bhi aisa lga nhi ki bahut time baad mile

Har koi ek alag kahani ka hissa tha

Par kahne ke liye sabke paas ek hi kissa tha

“ki vo din bhi kya din the”…..

Kisi ki hair length kam ho gayi thi

toh kisi ki baato ki length kuch zyada hi badh gyi thi

Koi extra cool ho gya tha toh koi thoda sophesticated

Har koi naye libas me thoda naya sa tha

Par kuch tha purana jo jana pahchana sa tha, yhi

“ki vo din bhi kya din the”…..

Ab jate jate iss din ko bhi yaadon me khone lage the sab

Face pe smile par dil se thoda scenty hone lage the sab

Har koi thoda thoda adjust karke group selfie me fit ho hi gaya tha

Aur post ke liye vo ek caption sabki list me hit ho hi gaya tha, yhi

“ki vo din bhi kya din the”…..

By Nehal Deshmukh