Yeh Jism Mera Aawaz Teri

By Shivam Yadav

Yeh jism mera aawaz teri

Aawaz me har alfaaz teri

Alfaaz bane ehsaas teri

Mera har pal kya meri saans teri

Jo simat gaya kuch alfaazon mein

Aisa apna hai pyaar kahan

Main toh hun khada kitne janmon ka

Tumhe do pal ka intezaar kahan

Har lafz tera har geet teri

Geeton ki bhi sangeet teri

Jaane kaisi yeh reet teri

Uss reet ki har ek preet teri

Unn reeton ki gar preet teri

Fir bhi tu kahan bani meet meri

Fir bhi tu kahan bani meet meri

Reeton ki kya fir preet teri

Maine toh diya tumhe apna sab kuch

Tumko mujhpe aitbaar kahan

Tumhe maan bhi lun apni duniya main

Mujhse hai tera sansar kahan

Seene me mere dhadkan hai teri

Dhadkan ki bhi har dhun hai teri

Dhun se nikli sargam hai teri

Iss janam toh kya har janm teri

Dekhun padhke teri aankhein main bhi

Inme hai mera inkaar kahan

Padh le tu bhi meri aankhon ko

Tere ghar ka main akhbaar kahan

Hui jab se mujhe mulakat teri

Sochun baitha har baat teri

Kya bund bhala barsaat teri

Yun hi guzre kya raat teri

Tab bhi na huyi koi jeet meri

Fir bhi tu kahan bani meet meri

Fir bhi tu kahan bani meet meri

Gayi raatein yun hi beet meri

By Shivam Yadav