Zakham Iss Dil Par

By Yash S Jain

Kuch iss kadar se hum majboor ho gaye hai

Apne hi saaye se hum door ho gaye hai...

Jo kabhi rehte the humare seene mai dhadkan ki tarah,

Unhi se bichadne pe hum majboor ho gaye hai

Aakhir yeh kahani hume kis mod pe laayi hai

Tumhari dooriyon ke paas yeh hume  le aayi hai

Kirdaar humara iss kahani ka yahi khatam ho gaya

Aur yeh kisi aur ki kahani tumhare paas le aayi hai

Hum toh adhure reh gaye, tumhe poora karte karte

Reh rahe hain tumhari yaado ke sath darte darte

Naam leke mohabbat ka, churaayi yeh zindagi 

Mar chuke hain hum, tumse aaj bhi pyaar karte karte

Dil par tumhara yeh zakham bohot gehra hai

Chahkar bhi hum yeh bhar nahi sakte

Todkar jo haal kiya hai iss dil ka,

Chahkar bhi hum ilaaj kar nahi sakte 

By Yash S Jain