भविष्य

By Kaustubh Rajendra Dherge

ना मी पाहिले, ना तुम्ही पाहिले, हे भविष्य ।

ज्याच्याच चिंतेत सरून जाते अर्धे आयुष्य ॥

ज्याला सुरक्षित करण्यासाठीच सतत झटतो प्रत्येक मनुष्य ।

आजवर कुणीही करू शकले नाही यावर अचूक भाष्य ॥

खडतर असतात वर्तमानाचे अनेक निर्णय, ज्यांनी सुकर होते भविष्याची वाट।

आयुष्याला कलाटणी देऊन जाते चांगल्या-वाईट प्रसंगांची एकच लाट ॥

संकटे, अपेक्षा, आशा-निराशा हे आहेत भविष्याचे आधारस्तंभ ।

आयुष्याच्या ध्येयातूनच होतो चांगल्या गोष्टींचा शुभारंभ ॥

वर्तमानातील कृतींवर निर्भर असतात तुमच्या

भविष्यच्या कथा ।

त्यामुळे आजच कामाला लागा, कोणालाही न सांगता तुमच्या भूतकाळाची व्यथा ॥

By Kaustubh Rajendra Dherge