RUKNA BHI ZARURI HAI

Chalna kab seekha mujhe yaad nahin
Par tab se har roz main bhaag ke jiya
Duniya ne bataya hi nahin ki rukna kitna zaroori hai
Unhone toh khushi ko badhte rehne se hi jodh diya

Suraj se shaktishali kuch bhi nahin
Par har shaam ko woh bhi dhale
Uske na dhalne se bhi nuksan hai
Toh hum kyun har waqt chalte rahe

Do pal tham jao toh socho zara
Raaste jo chune kya woh sahi the
Ab tak jo jeewan mein karte aaye
Kya wahi tum aage karna chahoge

Jab har roz mehnat karke jeena hai
Tab woh karo jo tum dil se chaho
Tum agar asli khushi ke bhooke ho
Toh apne junoon ki takat ki dawat hai khao

Bhaage jaa rahe hain is bheedh mein
Khud ke liye kitno ko peeche dhakel diya
Ek baari ruk ke dekh toh lo tum
Kya jeewan mein kuch tareef layak kiya

Badhna toh asli wahi hua
Jab sabko leke hum saath badhe
Koi reh gaya toh uski madad kare
Kisi ko chot lage toh uske ghaw bhare

Zindagi ki ladhai asaan nahin
Par is ladhai ka maza bhi lena hai
Bhaag daudh mein kya kama loge
Jaane se pehle toh sab duniya ko dena hai

Is life se break lena bhi zaroori hai
Thaka aadmi aakhir kaise hi khush rahega
Chodh agar yeh baat har koi samajh na paye
Kuch bhi karo, koi na koi toh kuch kahega hi kahega

Leave a Reply

Your email address will not be published.